रत्नागिरी : खेडजवळ जगबुडी नदीत खासगी बस कोसळून झालेल्या भीषण अपघातातील मृतांची संख्या ३७ वर पोहचली आहे. मृतांची संख्या वाढण्याची भीती व्यक्त होत आहे. आतापर्यंत २६ जणांचे मृतदेह बाहेर काढण्यात आल्याची माहिती पोलिसांनी दिली आहे. मृतकांची ओळख अद्याप पटलेली नाही. अपघातग्रस्त बस महाकाली टड्ढॅव्हल्सची होती.
आजच्या अपघाताचे मुख्यकारण म्हणजे चालकाची चूक आहे. मुंबई-गोवा मार्गाच्या चौपदीकरणास उशीर झाल्याचे भास्कर जाधव यांनी मान्य केले आहे.
महाकाली टड्ढॅव्हल्सकडे प्रवाशांची यादीच नसल्याचा धक्कादायक प्रकार उघड झाला आहे. त्यामुळे मृतकांची ओळख पटवण्यात प्रचंड अडचण होत आहे. खासगी टड्ढॅव्हल्समध्ये अनेक प्रवासी विविध थांब्यांवरुन बसविण्यात येतात. त्यांना केवळ एक पावती देण्यात येते. त्यावर प्रवाशांचे नाव, संपर्क क्रमांक किंवा पत्त्याची नोंद नसते.
अपघातग्रस्त बस गोव्याहून मुंबईच्या दिशेने येत असताना, पहाटे ३.३० वाजताच्या सुमारास हा अपघात झाला. प्रवाशांनी भरलेली ही बस १५० फूट उंचीवरून खाली नदीत कोसळली. पुलाच्या उजव्या बाजूचा कठडा तोडून ही बस नदीत टपावरच कोसळली. त्यामुळे पहाटेच्या गाढ निद्रेत असणार्या बेसावध प्रवाशांना सावध होण्याची संधीही मिळाली नाही. क्षणातच होत्याचे नव्हते झाले.
या अपघातानंतर दोन्ही बाजूकडील वाहतूक बंद करण्यात आली आहे. त्यामुळे मुंबई-गोवा मार्गावरील वाहतूक पूर्णपणे ठप्प झाली आहे. मृत प्रवाशांपैकी बहुतांश प्रवासी मुंबई आणि गोव्याचेच असल्याचा अंदाज आहे. अपघातग्रस्त बसचा चालक बचावला आहे. त्यामुळे तो अपघाताबद्दल माहिती देऊ शकेल.
बचावकार्य युद्धपातळीवर सुरु आहे. क्रेनच्या साहाय्याने बस उचलण्याचे प्रयत्न सुरु आहेत. चालकाचे नियंत्रण सुटल्याने हा अपघात झाल्याचा अंदाज रत्नागिरीचे पालकमंत्री भास्कर जाधव यांनी व्यक्त केला आहे.
चालक एका वाहनाला ओव्हरटेक करण्याच्या प्रयत्नात होता. त्याचवेळी बस कठड्याला बस घासल्या गेली. पुल जुना आहे. त्यामुळे कठडा हा धक्का सहन करु शकला नाही. त्यामुळे बस थेट नदीपात्रात टपावरच कोसळली. सकाळी क्रेन बोलाविण्यात आल्यानंतर बस उचलून सरळ करण्यात आली. त्यानंतर मृतदेहांना बाहेर काढण्यात आले.























